Kirkirri Lafaa Affaaritti Ammas Namoota Qe’eerraa Buqqisaa Jira

Kirkirri lafaa Naannoo Affaar, godinaalee Sadii, aanaalee lama keessatti mudachuu itti fufe ammallee namoota hedduu qe’eerraa buqqisaa jira. Bulchiinsi Naannoo Affaar ibsa Sagalee Ameerikaaf kenneen ammas humni kirkira kanaa dabalaa waan jiruuf of eeggannoof jecha namoota gandoota saddeet keessa jiraatan kan kuma shantamii afur ta’an buqqa’uu isaanii fi gama qabeenyaatiin warshaa sukkaaraa tokkoo fi manneen barnootaa, bu’uraaleen misoomaa kaanis manca’uu ibseera.

Jiraattonni sodaa kirkira lafaa kanaatiin buqqa’an kanneen bakkeewwan qubannootti argaman, gargaarsi jiru gahaa akka hin taane himatu, odu gabaasaan VOA Galmoo Daawit bakka sanatti imaluun gabaasaa qindeesse qabna.